ضبط أداء الجهاز من غير حوارات ولا برامج ولا افلامنات ..

بصوا يا جماعه الموضوع دا مهم جدا جدا ولازم اي واحد ماسك موبايل اندرويد يقراه ..
ويعتبر الطريقه الوحيده الي بتظبط بطاريه الجهاز من غير حوارات ولا برامج ولا افلامنات ..
وعاوز تقييم للموضوع دا بجد النقد قبل المدح وعاوز اشوف تفاعل الناس معايا علي الصفحه عامل ازاي .. قيم وقول رايك لان اكيد رايك يهمنا ..
ودعمكم لينا اهم حاجه عشان نكمل المسيره
عشان نبقي متفقين بس من البدايه ان كل البرامج المدعوه انها بتوفر بطاريه الجهاز .. هيا بعينها البرامج دا الي بتفشخ بطاريه الجهاز ..
ركز معايا بقي وتعال نشوف الخطوات ..
رقم 1 :
بص يا سيدي اول حاجه تعملها وبدون نقاش وبدون نقاش وبدون نقاش .. 
هتشيل كل البرامج الي علي الجهاز لتسريع الجهاز وتوفير البطاريه وتنظيف الجهاز وكل الهلس دا .. 
لو عامل روت البرنامجين الوحيدين الي فعالين في الحوار دا هما
boosters plus battery saver Pro دا لتوفير البطاريه وتسريع الجهاز وتوفير الرام وتقويه اشاره ال WiFi 
طريقه الاستخدام : هتعلم صح علي كل حاجه فيه .. وفي الضبط اخر خانه هتعلم صح عليهم كلهم ماعدا قبل الاخيره .. 
رابط التحميل : http://bit.ly/1zyP4ZL
Seeder دا لالغاء اللاج (التهنيج والبطء ) وتسريع الجهاز جدا 
طريقه الاستخدام : تعليم علامه صح علي الكل والضغط علي on او تشغيل .. 
واختيار : Aggrissive 
رابط التحميل : http://bit.ly/1IEmcEk
والبرنامجين مدفوعين علي فكره وباسعار غاليه جدا انا جبتهملكم وحطتلكم الروابط
غير كدا كلوو فاكس ولا ليه اي تلاتين لازمه ..
رقم 2 :
ودي انا عن نفسي بستعجب منها .. ليه تقعد تنزل برامج وتثبتها وخلاص وكل ما امسك موبايل واحد بلاقي بال 50 برنامج ملهاش اي 30 لازمه وهو مش بيستخدمهم .. البرامج دي علي الجهاز بتحرق بنزين وخلاص .. 
ازاي بقي ؟! 
اقولك انا ازاي .. لما يبقي عندك مثلا 20 برنامج مش بتستخدمهم وسايبهم علي التليفون .. طبعا البرامج دي اساسي بتاكل من البطاريه واساسي بتاكل من الرام واساسي مخليه الموبايل سلحفه ..
لما يبقي موبايل فئه متوسطه زي الي مع الشعب كله وانت عامل فيه كدا متستناش منه انه يديك اداء وتقول الموبايل بيهنج والموبايل وحش ..
يبقي المفروض انت تعمل ايه ؟! 
المفروض او الاساسي طبعا انك اي برنامج عندك مش بتستخدمه فعلا ومحتاجه يبقي تشيله ..
رقم 3 :
طبعا كل شركه من شركات الموبايل منزله الجهاز ببرامج سيستم ليها كتير جدا ملهاش اي 30 عازه .. 
قاعده زي الازي ليك علي الجهاز وخلاص .. منها ساحبه ومظيطه الدنيا ومبهدله البطاريه والرامات ..
في عندنا عدد 2 حل :D 
1 حل للروت و 1 حل لغير الروت 
هنبدا بحل الروت : 
هتنزل برنامج system app remover من بلاي ستور : http://bit.ly/1Dqy0G9
وتفتحه البرنامج وياخد منك صلاحيات الروت وتعلم علي كل البرامج الي مش بتستخدمها الموجوده .. 
نصيحه هامه واخويه .. امسح البرامج الي ظاهره عندك من برا بس الي مش بتستخدمها . لكن متمسحش اي حاجه وخلاص .. 
الحل التاني لغير الروت : 
بص يا سيدي هتفتح الضبط وبعد كدا تجيب ضبط التطبيقات ..
وتيجي علي كل البرامج الي مش بتستخدمها الي هيا برامج النظام .. 
زي ال group play وال chan on وال dropbox و samsung apps وgoogle play games و google play music و google stand و hangout و google+ وغيرها كتير بتختلف علي حسب كل جهاز 
كل دا ملهوش اي تلاتين لازمه غير لو كنت بتحتاج حاجه منه بس تسيبها 
وتعملها DISABLE
كدا احنا بالخطوه دي وصلنا لمرحله حلوه جدا في الجهاز كل مده في تحسن ..
رقم 4 :
تحمل برنامج Greenify 
النسخه المدفوعه .. انا جايبلكم افضل نسخه نزل من التطبيق حتي وقتنا هذا .. متفعله ومدمج معاها التفعيل منها فيها وحاجه تحفه .. 
هتحملها من الرابط دا : bit.ly/1zybCtE
وتثبت البرنامج وتفتحه وتدوس علي + وتحط كل البرامج الي علي الجهاز وتدوس علي Zzz دا بيقفل كل البرامج الي شغاله في الخلفيه وبتاكل من الجهاز علي الفاضي وبتوفر جدا في الرام وتسريع واداء الجهاز ..
نصيحه للناس الي عامله روت .. 
جرب تشيل اضافات XPOSED الي مش بتشتغل بيها .. هتحس بفرق في البطاريه لانه علي قد ماهو حلو وبيظبط الجهاز وبتاع علي قد ماهو بياكل البطاريه اكل :D
انتظروني ب بوست تسريع الجهاز بدون برامج نهائيا ..
#UpAndroid